Bakioko liburutegiko arduradunak, María Santistebanek, bibliografi fondoetako katalogora Internet bitartez sartzeko aukerea dagoala gogora ekarri gura deutsue.

Era berean, informatzen deutsuegu ondoko zerbitzuak erabili daikezuezala:
Kontsulta zerbitzua: Entziklopediak, urtekariak, biografiak eta hainbat bilduma.
Mailegu zerbitzua: Liburuak, aldizkariak, bideoak eta CDak etxera eroateko aukerea, Bakioko biztanleei zuzenduta (ohiko eta aldi baterako herritarrak).
Mailegu bereziaren zerbitzua: Mobikortasun urria daukien pertsonen kasuan, herri gunetik asao bizi badira.
Interneteko zerbitzua: 12 urtetik gorakoei zuzendua: 50 zent./30´, euro 1/60´.
Ofimatika zerbitzua: 12 urtetik gorakoei zuzendua: 50 zent./30´, euro 1/60´.
Ziberliburutegiko zerbitzua: Formatu elektronikoko programea, euskeraz, musikea entzun, joko interaktiboetan olgau eta hiztegiak erabilteko aukerea emoten dauena.

Gaur egun, liburutegiak heziketa eta astialdi aleen fondo handi bat dauka, bai eta literatura klasiko eta garaikidearen fondo zabal bat be, bai euskeraz eta bai erderaz.

Hemerotekan zeuen esku topauko dozuez aldizkari askotako aleak, esate baterako Aizu, Argia, Muy interesante, Speak up, Cuerpo Mente, Imágenes, Viajes...

Ikus-entzunezkoen atalean bideoteka bat, euskeraz, gaztelaniaz eta ingelesez, eta musika klasikoaren eta zinearen CDteka bat daukazue.

Interneteko zerbitzuak, 12 urtetik gorakoei zuzendua, erabiltzaileei sarea arakatzeko aukerea emoten deutse gehienez be ordubetean.

Azkenik, erabiltzaileei gogoratu behar jake mailu zerbitzua erabili ahal izateko beharrezkoa dala liburutegiko txartela eukitea.